I turisti

“Mordi e fuggi” ancò i ghe ciamaal turista che vien qua,dà un’ociàda, e verso seral’è za belo che scapà...che no ’l serca, par magnàr,na locanda o un ristorante,ma che ’l dòpara par tolana panchina fra le tante...e no ’l sta gnanca a vardàrla pearà se la ghe piasa,ché un paneto co la bondolael se l’ha portà da casa...che de angurie e de narànseel spùa fora fin i osseti,somenando dapartutosolo fregole e sacheti!...Quando ancora l’era Sindaco,disea Tosi infervorà:“Un turismo qua vogliamosol di grande qualità!Gente che qua la soggiornae ne lassa un po’ de schèi,se anca po’, fra i monumenti,no se incorze dei più bei!...che se lassa un fià imbrojàrdal “balcone de Giulieta”,che i se creda originàipar un “selfi” con la teta!,no pitochi o vagabondicon i noni e coi butìni,che sol varda el Municipiopar sentàrse sui scalini!”Dèsso che quei del Comune(i è po’ i stessi che a so tempol’avea scelto proprio lu!)i ha deciso a cor contento,par cì riva con i pulman,de amentàrghe ben la tassa,e de spenàr quei povaretiche sol riva, varda e passa,sempre in serca de pretestipar poderli far in tochi, ecco impavido l’insorgein difesa dei pitochi:“Non puniamo i Mordi-e-fuggi!Non dobbiamo spaventarli!Ne abbiam tanto di bisogno!Bisòn solo incentivàrli!”Alor: “’Sa sèrveli i turisti?”a la fin se se domanda!...No mìa sèrto par rispondarde belesse a la domanda,o a condividar le emossioniche ancor dona i nostri ponti,e le torre, i monumenti,fin i vicoli più sconti!...I è sol diventà un pretestopar beghete provinciali... ché i progeti, struca struca,i è po’ istessi, tali e quali!Sicchè insoma sti turisti,che i sia ricchi, bruti o bei,l’importante è, par noantri,... che i ne lassa qua i so schèi!